網紅的藏寶箱同大家分享吓啲心路歷程丫～
話說，當初我教人用中筋甚至低筋做麵包，有人留言：「做麵包應該用高筋！識唔識㗎！」「中筋加低筋咪又係等於高筋！嘥氣！」
OKOK，唔使咁惡嘅，我做我嘅，你相信你嘅，我都唔想解釋「麵包唔一定高筋」嘅原理，因為唔敢拍太長🤣
數年之後，社會唔同咗，開始有唔少人加低筋入麵糰，亦有人用中筋做麵包，我以為老懷安慰之日終於嚟喇，點知⋯⋯我被罵我抄人用中筋 / 低筋⋯⋯
即係人哋做就得，我做嘅話唔係錯，就係抄人。實在喺6年前，當我開始做減油鹽糖、唔用牛油、麵粉、糖做蛋糕嘅時候，廣泛度係低到無人睇，又何來抄人🤷🏻♀️
不過，凡事都有嘢學，呢啲事教識咗我一樣嘢：意見同針對嘅分別。
意見，係但凡做住面向公眾工作嘅人，都應該要聽嘅說話，因為我哋嘅製成品係畀觀眾睇，觀眾睇得開心，先住對得住觀眾。
但若然係針對，就平常心面對囉，只要自己問心無愧，努力將事情做好，唔好辜負支持自己嘅觀眾，已經好足夠。
能夠喺負面嘅事學習自處、學習釋懷，對自己先至最有好處。
畀條天線大家睇吓，今晚我要拍嘢，但呢條嘢吹極唔跌，好似喺度同我講：我都要上鏡😂話說我出親去拍嘢，都會被導演話「靈山，你啲毛毛豈起哂」，然後大家都會走嚟幫我撥，最後發現唔成功🤣獅子山並非浪得虛名🦁
Search